G-L53TNVHN5Y చిన్నారిపై లైంగిక‌దాడి, హ‌త్య‌.. | Praja Shankaravam

చిన్నారిపై లైంగిక‌దాడి, హ‌త్య‌..

 

* సిసి ఫుటేజీలో చిన్నారిని ఎత్తుకెళ్తున్న దృశ్యాలు
* పోలీసుల అదుపులో నిందితుడు..?
* కేసు నమోదు చేసి విచారిస్తున్న పోలీసులు

పెద్దపల్లి జిల్లా, జూన్14 (ప్రజా శంఖారావం):

A minor girl was sexually assaulted and murdered.. ఆరు సంవత్సరాల చిన్నారిపై లైంగిక దాడికి పాల్పడి, హత్య చేసిన ఘటన పెద్దపల్లి జిల్లా సుల్తానాబాద్ మండలంలో జరిగింది. ఆసిఫాబాద్ జిల్లాలోని దహెగాం మండలానికి చెందిన వ్యక్తి సుల్తానాబాద్ మండలంలోని మమత రైస్ మిల్లులో కూలీగా పని చేస్తున్నాడు. రాత్రి సమయంలో పాప నిద్రపోతుండగా రైస్ మిల్లులో హమాలీగా పనిచేస్తున్న మధ్యప్రదేశ్‌కు చెందిన యువకుడు బాలికను ఎత్తుకెళ్లి లైంగిక దాడికి పాల్ప‌డి, చంపేసినట్లు స్థానికులు చెబుతున్నారు. స్థానికుల సమాచారంతో పోలీసులు రాత్రంతా గాలించి నిందితుని పట్టుకున్నారు. సుల్తానాబాద్ పోలీస్ స్టేషన్ కు తరలించినట్లు సమాచారం. నిందితుడు మైనర్‌ బాలికను ఎత్తుకెళ్లిన విషయాలు సీసీటీవీ ఫుటేజ్‌లో రికార్డ్ అయ్యాయి. విచార‌ణ జ‌రిపి త‌దుప‌రి చ‌ర్య‌లు తీసుకోనున్న‌ట్టు పోలీసులు తెలిపారు.

Leave A Reply

Your email address will not be published.