Chanakya Niti: ఆచార్య చాణిక్య గురించి ప్రతి ఒక్కరికి తెలుసు. మనిషి జీవితానికి సంబంధించిన ఎన్నో గొప్ప నియమాల గురించి ఆయన తన నీతి శాస్త్రంలో రచించాడు. ఆచార్య చాణిక్యుడు జీవితాన్ని అవపోసన పట్టిన అపర మేధావి. ఇప్పటి ప్రజలకు కూడా నీతి శాస్త్రంలో ఆయన పొందుపరిచిన ఎన్నో నియమాలు చాలా బాగా ఉపయోగపడుతున్నాయి. జీవితంలో ఇతరులతో ఎలా మెలగాలి, కష్టాలను ఎలా ఎదుర్కోవాలి, జీవితంలో విజయం సాధించాలి అంటే ఏం చేయాలి ఇలా అనేక విషయాల గురించి ఆచార్య చాణిక్యుడు తెలిపాడు. ఆచార్య చానిక్యుడు తన నీతి శాస్త్రంలో నిజమైన స్నేహితుడిని ఈ లక్షణాలతో గుర్తించవచ్చు అని కూడా తెలిపాడు.
ముఖ్యంగా మీరు కష్ట సమయంలో ఉన్నప్పుడు మిమ్మల్ని వదిలేయకుండా మీకు మద్దతుగా నిలిచే వ్యక్తి మీకు నిజమైన స్నేహితుడు అని ఆచార్య చాణిక్యుడు అంటున్నాడు. అటువంటి స్నేహితుడు ఉండడం వలన ఎలాంటి క్లిష్ట పరిస్థితి అయినా కూడా మీరు బయటపడగలుగుతారు. కష్ట సమయాలలో మిమ్మల్ని వదిలిపెట్టే స్నేహితులతో స్నేహం చేయకండి. అలాగే మీకు ఆర్థిక సమస్యలు ఎదురైనప్పుడు మీకు సహాయం చేయడానికి రెడీగా ఉన్న వాడే మీ నిజమైన స్నేహితుడు. మీ సమస్యలను అర్థం చేసుకొని మీకు సహాయం చేయగలిగిన వ్యక్తి మీ నిజమైన స్నేహితుడు అని ఆచార్య చాణిక్యుడు అంటున్నాడు.
కుటుంబంలో లేదా సన్నిహితులలో ఎవరైనా చనిపోతే అటువంటి సమయంలో వారికి మద్దతు చాలా అవసరం అవుతుంది. బాధలో ఉన్న సమయంలో మద్దతుగా నిలిచే వ్యక్తి నిజమైన స్నేహితుడు. అలాగే అనారోగ్యంతో బాధపడుతున్న సమయంలో మీకు తోడుగా ఉన్న వ్యక్తి మీకు నిజమైన స్నేహితుడు అని ఆచార్య చానికరం అంటున్నాడు. మీ నిజమైన స్నేహితుడు మీరు సంక్షోభంలో ఉన్న, బాధలో ఉన్న లేదా మీరు అనారోగ్యంతో బాధపడుతున్నా కూడా మిమ్మల్ని వదిలిపెట్టరు. వాళ్లు మీ జీవితం విజయానికి కారణం అవుతారు.
