Chanakya Niti: జీవితంలో ఉన్న అనేక సమస్యలకు ఆచార్య చాణిక్యుడు చెప్పిన నీతి శాస్త్రంలో పరిష్కారం చెప్పబడింది. మంచి చెడుల మధ్య వ్యత్యాసం గుర్తించడం కూడా చాలా సులభం అని చెప్పవచ్చు. ఆచార్య చాణిక్యుడు నీతి శాస్త్రం గురించి ప్రతి ఒక్కరికి తెలిసిందే. ఆచార్య చాణిక్యుడు గొప్ప ఆర్థికవేత్తగా బాగా ప్రసిద్ధి పొందారు. చాణిక్య నీతి పేరుతో ఈయన నియమాలు ఇప్పటి ప్రజలు కూడా బాగా అనుసరిస్తున్నారు. మన దేశంతో పాటు విదేశాలలో ఉన్న చాలా మంది కూడా ఈ నీతి శాస్త్రాన్ని ఫాలో అవుతున్నారు. ఆచార్య చాణిక్యుడు చెప్పిన కొన్ని నియమాలను పాటించడం వలన జీవితంలో అనేక సమస్యలను సులభంగా పరిష్కరించుకోవచ్చు.
అలాగే తప్పు ఒప్పుల మధ్య తేడాను కూడా సులభంగా గుర్తించవచ్చు. జీవితంలో విజయం సాధించడం గురించి అలాగే మతం అధర్మం, కర్మ, పాపం పుణ్యం వంటి అనేక విషయాల గురించి నీతి శాస్త్రంలో ఆచార్య చాణిక్యుడు ప్రస్తావించాడు. అలాగే ఇంటిపెద్ద ఎలా ఉండాలి అనే విషయం గురించి కూడా ఆచార్య చాణిక్యుడు చెప్పుకొచ్చాడు. నీతి శాస్త్రంలో ఆచార్య చాణిక్యుడు చెప్పిన దాని ప్రకారం ఇంటి యజమాని సామాజికంగా మేధావిగా ఉండాలి. కుటుంబ సభ్యుల అవసరాలను దృష్టిలో పెట్టుకొని డబ్బును ఖర్చు చేయాలి. కుటుంబ సభ్యులు చేసే వృధా ఖర్చులను కూడా అతను అరికట్టాలి.
ఈ విధంగా చేయడం వలన ఆ కుటుంబం త్వరగా పురోగమిస్తుంది అలాగే భవిష్యత్తు కోసం కూడా సంపదను కూడబెట్టాలి. ఇంటి పెద్ద మాత్రమే ఆ కుటుంబంలో కుటుంబ సభ్యులకు క్రమశిక్షణ అని కొనసాగించగలుగుతాడు. క్రమశిక్షణతో ఉన్న ఇల్లు విజయవంతం అవుతుంది. కుటుంబంలో ఒకరి పట్ల వివక్ష చూపించకూడదు. కుటుంబ సభ్యులందరికీ కూడా సమానమైన నియమాలు ఉండాలి. ఆచార్య చాణిక్యుడు చెప్పిన దాని ప్రకారం ఇంటి పెద్ద ఇంట్లో ఉన్న కుటుంబ సభ్యుల కోసం మెరుగైన నిర్ణయం తీసుకునే సామర్థ్యం కలిగి ఉండాలి. వాళ్లు తీసుకున్న నిర్ణయం వలన ఇంట్లో ఉన్న వాళ్ళు ఎవ్వరికీ నష్టం కలగకుండా జాగ్రత్త వహించాలి.
