Vastu Tips: వాస్తు శాస్త్రంలో ఇంటి నిర్మాణంతోపాటు, ఏ ఏ వస్తువులు ఏ దిశలో పెట్టాలో అలాగే ఏ దిశలో కూర్చుని భోజనం చేస్తే ఆ ఇంట్లో శుభం కలుగుతుందో కూడా చెప్పబడింది. వాస్తు శాస్త్రం ప్రకారం ఇంట్లో సరైన దిశలో కూర్చుని భోజనం చేస్తే ఆ ఇంట్లో కలిగే లాభాలు ఏంటో ఇప్పుడు తెలుసుకుందాం. హిందూ మత శాస్త్రంలో వాస్తు శాస్త్రానికి ఉన్న ప్రాముఖ్యత గురించి ప్రత్యేకంగా చెప్పాల్సిన అవసరం లేదు. మనం చేసే ప్రతి ఒక్క పనికి కూడా ఒక నిర్దిష్ట సమయం, నిర్దిష్ట దిశ ఉంటుంది అని వాస్తు శాస్త్రంలో చెప్పబడింది. ఈ నియమాలు పాటించడం వలన జీవితంలో అన్ని శుభ ఫలితాలు కలుగుతాయి. ఈ మధ్యకాలంలో కూడా ఇంట్లో ఏదైనా పెళ్ళి లేదా శుభకార్యాలు చేయడానికి ప్రతి ఒక్కరు కూడా వాస్తు శాస్త్రాన్ని అనుసరిస్తారు.
మనం నిత్య జీవితంలో చేసే పనులలో ఆహారం తినడం కూడా ఒకటి. ఆహారం తీసుకోవడం అనేది కేవలం శరీరాన్ని పోషించే ప్రక్రియ మాత్రమే కాదు ఇది మనసును అలాగే ఆత్మను కూడా చాలా ప్రభావితం చేస్తుంది. కాబట్టి వాస్తు శాస్త్రం ప్రకారం భోజనం చేస్తున్నప్పుడు సరైన దిశలో సరైన స్థానంన్నీ ఖచ్చితంగా చూసుకోవాలి. సరైన దిశలో కూర్చొని భోజనం చేసేవారికి వాస్తు శాస్త్రం ప్రకారం ఖచ్చితంగా మానసిక ప్రశాంతత కలుగుతుంది. అలాగే వాస్తు శాస్త్రం ప్రకారం కొన్ని దిశలలో కూర్చుని భోజనం చేయడం నిషేధం. కొన్ని దిశలలో కూర్చొని భోజనం చేయడం వలన ఆ ఇంట్లో ప్రతికూల శక్తులు కలుగుతాయి.
తూర్పు దిశలో కూర్చుని భోజనం చేయడం చాలా శుభప్రదంగా వాస్తు శాస్త్రంలో పరిగణిస్తారు. తూర్పు ముఖంగా కూర్చొని ప్రతిరోజు భోజనం చేయడం వలన ఆ వ్యక్తి జీర్ణ వ్యవస్థ కూడా చాలా సజావుగా ఉంటుంది. మనసు కూడా ప్రశాంతంగా ఉంటుంది. అలాగే ఇంట్లో ఇతర దిశలో కూర్చొని భోజనం చేయడం వలన ఆ ఇంట్లో సంపద పెరుగుతుందని నమ్ముతారు. దక్షిణ దిశగా కూర్చొని భోజనం చేయకూడదు. వాస్తు శాస్త్రం ప్రకారం ఈ దిశలో కూర్చుని భోజనం చేయడం నిషేధం. పశ్చిమ దిశలో కూర్చుని భోజనం చేయడం వలన చాలా ప్రయోజనాలు కలుగుతాయి. ఆర్థికంగా ఎటువంటి లోటు ఉండదు.
