వీరికి నాలుగేళ్ల కుమారుడు శశాంక్, ఏడు నెలల కుమార్తె ఉన్నారు. మెదక్ జిల్లా శాలిపేట గ్రామంలో బోనాల పండుగ నిమిత్తం బంధువుల వద్దకు అనిల్ కుటుంబంతో కలిసి వెళ్లాడు. అక్కడికి అతడి చెల్లెలి కుటుంబం కూడా వచ్చింది. పిల్లలు ఆడుకుంటూ చెల్లెలు కుమార్తెను అనిల్ కుమారుడు మెట్లపై నుంచి నెట్టివేశాడు. దీంతో గొడవ జరిగింది.పోల్కంపేటకు వెళ్లాక అనిల్ తన భార్యతో గొడవపడి కొట్టాడు. గాయపడిన ఆమెను పోచారం తీసుకొచ్చి వైద్యం చేయించాడు.
కుమారుడిని బయటకు తీసుకెళ్తానని చెప్పిన అనిల్ తన ద్విచక్ర వాహనంపై పోచారం గ్రామ శివారులోకి తీసుకువెళ్లాడు. భార్యపై కోపంతో కుమారుడి ముక్కు, నోరు మూసి స్పృహ కోల్పోయేలా చేసి అత్తారింటికి తీసుకొచ్చాడు. బాబు స్పృహ కోల్పోవడం గమనించిన తల్లి వైద్యం నిమిత్తం మండల కేంద్రంలోని ఆసుపత్రికి ఆటోలో తరలించగా వైద్యుడు పరీక్షించి మృతి చెందినట్లు తెలిపారు. అనిల్ ను భార్య గట్టిగా నిలదీయడంతో విషయం బయటకొచ్చింది. తానే హత్య చేసినట్లు చెప్పి అక్కడ నుంచి పరారయ్యాడు. తల్లి అక్షిత ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ రవీందర్ నాయక్ తెలిపారు.
