Palmistry: ప్రాచీన కాలం నుంచి కూడా హస్త సాముద్రిక శాస్త్రానికి బాగా ప్రాముఖ్యత ఉంది. ఇప్పటికీ కూడా చాలామంది దీనిని నమ్ముతారు. ఒక మనిషి దృష్టి రేఖను చూసి కూడా చెప్పే వాళ్ళు చాలామంది ఉన్నారు. పూర్వం రోజులలో రాజులు తమ భవిష్యత్తుతో పాటు ఇతరుల భవిష్యత్తు గురించి కూడా హస్త సాముద్రిక శాస్త్రం ద్వారా తెలుసుకునేవారు. అందరికీ అరచేతిలో గీతలు ఒకే విధంగా ఉండవు. ప్రతి ఒక్కరి అరచేతిలో గీతలు అడ్డదిడ్డంగా ఉంటాయి అన్న సంగతి తెలిసిందే. అయితే ఒక వ్యక్తి అరచేతిలో ఉన్న కొన్ని నిర్దిష్ట రేఖలు ఆ వ్యక్తి నిజ జీవితంలో అనేక అంశాలను సూచిస్తాయి అని హస్తసాముద్రిక శాస్త్రంలో చెప్పబడింది. మీ పనులను అలాగే ఆలోచన సామర్ధ్యాన్ని కూడా అవి ప్రభావితం చేస్తాయి.
అరచేతిలో ఉన్న ఈ గీతలు మీ వ్యక్తిత్వానికి సంబంధించినవిగా చెప్తారు. మీ కెరీర్, సంపద, ఆరోగ్యం మొదలైన అంశాలు అన్నీ కూడా అరచేతిలో ఉన్న గీతలు నిర్ణయించవచ్చు. X ఆకారంలో ఉండే గుర్తు కొంతమంది అరచేతులలో ఉంటుంది. అలాంటి వాళ్ళు చాలా అదృష్టవంతులు. మొత్తం ప్రపంచ జనాభాలో కేవలం మూడు శాతం మందికి మాత్రమే అరచేతిలో ఈ గుర్తు ఉంటుంది. రెండు సమాంతర వక్ర రేఖల మధ్య ఈ గుర్తు ఉన్నట్లయితే అది మీ విజయానికి సంకేతం అని చెప్పాలి. అలెగ్జాండర్ ది గ్రేట్ అరచేతిలో కూడా ఈ గుర్తు ఉండేదని పురాతన నివేదికలలో చెప్పబడింది.
అరచేతులలో ఉండే X గుర్తుకు సంబంధించి మాస్కోవిశ్వావిద్యాలయం ఎస్టిఐకి చెందిన పరిశోధకుడు పరిశోధనలు నిర్వహించారు. ఈ గుర్తు ఉన్న వారి జీవితాలను అలాగే గమ్యాలను కూడా అతను అధ్యయనం చేశాడు. అరచేతిలో ఈ గుర్తు కలిగి ఉన్నవాళ్లు జీవితంలో విజయం సాధిస్తారు. మంచివారుగా అలాగే గొప్ప పేరు ఉన్న వారిగా ప్రసిద్ధి చెందుతారు. ఒకవేళ ఈ గుర్తును వాళ్లు రెండు అరచేతులలో కూడా కలిగి ఉంటే వాళ్లు మరణించిన తర్వాత కూడా చాలా పేరు ప్రఖ్యాతలు పొందుతారు. అరచేతిలో ఉన్న ఈ గుర్తు ఆ వ్యక్తి యొక్క సంపద, విజయాన్ని మరియు శ్రేష్టతను సూచిస్తుంది అని నిపుణులు చెప్తున్నారు.
