Numerology: చాలామంది సంఖ్యా శాస్త్రాన్ని నమ్ముతారు. ఇది ఒక ప్రత్యేకమైన జ్ఞానం. సంఖ్యాశాస్త్రం ఉపయోగించే వ్యక్తుల స్వభావం, ఆలోచనలు, ప్రవర్తన, భవిష్యత్తు వంటి అనేక విషయాల గురించి అంచనా వేయొచ్చు. హిందూ మతశాస్త్రంలో సంఖ్య శాస్త్రానికి చాలా ప్రాధాన్యత ఉంది. ఒక వ్యక్తి పుట్టిన తేదీ ఆధారంగా చేసుకుని ఒక సంఖ్య ఉంటుంది. ఈ సంఖ్యను మూల సంఖ్య అంటారు. ఒక మనిషి వ్యక్తిగత జీవితం గురించి ఈ సంఖ్యను ఆధారంగా చేసుకొని ముందే ఊహించవచ్చు. సాధారణంగా 8,17,26 తేదీలలో పుట్టిన వారికి నిశ్చలమైన స్వభావం ఉంటుంది. వీళ్ళు ఏ పని చేసిన చాలా శాంతిగా ఆలోచించి చేస్తారు. వీరి మాటలు కూడా కచ్చితంగా ఉంటాయి. ఏదైనా విషయంలో ఒక నిర్ణయం తీసుకుంటే దానిని పూర్తి చేసేందుకు ప్రయత్నం చేస్తారు.
ఇతరులకు సహాయం చేయడంలో కూడా వీళ్లు చాలా ముందుంటారు. పుట్టిన తేదీ అంటే మూల సంఖ్య ఎనిమిది ఉన్నవాళ్లు చదువు విషయంలో బాగా కష్టపడాలి. మొదట్లో వారి చదువులో ఫలితాలు కనిపించకపోయిన ఆ తర్వాత మాత్రం విజయం సాధిస్తారు. ఈ తేదీలో పుట్టిన వారికి ఇంజనీరింగ్ మరియు టెక్నాలజీ రంగంలో చాలా శ్రద్ధ మరియు తెలివి ఉంటాయి. కృషితో ముందుకు వెళ్లడానికి ప్రయత్నిస్తారు. మీరు న్యాయాన్ని గౌరవిస్తారు. ఎవరికి కూడా అన్యాయం జరగకుండా చూసుకుంటారు. డబ్బు సంపాదనలో కూడా నిజాయితీ పాటిస్తారు. ఈ తేదీలో పుట్టిన వారు ఇతరుల దూషణలు అసలు పట్టించుకోరు.
అన్ని పరిస్థితుల్లో కూడా తమ నైతిక విలువలను పాటిస్తూ జీవితంలో ముందుకు వెళ్తారు. మీరు ప్రేమ జీవితంలో కొంచెం ఇబ్బందులు ఎదుర్కొనే అవకాశం ఉంది. వీళ్లు నిజమైన ప్రేమను కోరుకుంటారు. ఒకసారి ఇష్టపడిన తర్వాత ఆ సంబంధాన్ని నిలబెట్టుకోవడానికి చాలా శ్రమిస్తారు. ఈ తేదీలో పుట్టిన వారి ప్రేమలో కూడా చాలా నిబద్ధత ఉంటుంది. వారు మంచి భాగస్వామిగా నమ్మకాన్ని పొందుతారు. వీళ్లు మొదట్లో కష్టపడినా కూడా ఆ తర్వాత మాత్రం జీవితంలో పెద్ద విజయాలను అందుకుంటారు.
