by Road Accident Younger Death: కోరుట్ల, సెప్టెంబర్ 03 (ప్రజా శంఖారావం): జగిత్యాల జిల్లా కోరుట్ల మండలం గుమ్లాపూర్ గ్రామ శివారులో ఆటో ద్విచక్ర వాహనం ఢీకొన్న ఘటనలో ఒక మృతి చెందగా మరో ఇద్దరికి తీవ్ర గాయాలయ్యాయి. స్థానికులు తెలిపిన వివరాల ప్రకారం మేడిపల్లి మండలం వల్లంపల్లి గ్రామానికి చెందిన కటకం నవీన్, భూమేష్, పార్థసారథి లు ద్విచక్ర వాహనంపై వల్లంపల్లి నుండి కోరుట్ల వెళుతుండగా గుమ్లపూర్ శివారులో ఆటోను ఢీకొనడంతో బైక్ పై ప్రయాణిస్తున్న కటకం నవీన్ (25) అక్కడికక్కడే మృతిచెందగా మరో ఇద్దరు యువకులకు తీవ్ర గాయాలు అయ్యాయి.
వారిని చికిత్స నిమిత్తం ప్రైవేట్ ఆస్పత్రికి తరలించారు. కాగా మృతుడు గత 15 రోజుల క్రితమే సింగపూర్ నుండి వచ్చి వివాహం చేసుకున్నట్లుగా మృతుని బంధువులు తెలిపారు. పెళ్లి జరిగిన 15రోజుల్లోనే యువకుడు మృతి చెందడంతో మృతిని కుటుంబ సభ్యుల రోదన అక్కడివారిని కలిచివేసింది. పోలీసుల మృతదేహాన్ని పోస్టుమార్టం నిమిత్తం కోరుట్ల ప్రభుత్వ ఆసుపత్రికి తరలించారు.
