NHAI: త్వరలో తెలంగాణ రాష్ట్రంలో కృష్ణా నదిపై మరొక వంతెన నిర్మాణం జరుగుతుంది. ఈ వంతెన నారాయణపేట జిల్లాలో తెలంగాణ మరియు కర్ణాటక రాష్ట్రాలను కలుపుతూ నిర్మాణం జరుగుతుంది. ఈ కొత్త వంతెన నిర్మాణం నారాయణపేట జిల్లా వాసునగర్, కర్ణాటక శక్తి నగర్ మధ్య నిర్మించబడుతుంది. మూడేళ్ల కిందట ఈ వంతెన నిర్మాణ పనులను చేపట్టారు. నేషనల్ హైవే అథారిటీ ఆఫ్ ఇండియా అధికారులు ఏడాదిలోగా ఈ వంతెన పనులను పూర్తిచేయాలని లక్ష్యంతో పనిచేస్తున్నారు. అనుకున్న సమయానికి ఈ వంతెన నిర్మాణం పూర్తి అయ్యి అందుబాటులోకి వస్తే ఆ ప్రాంతాలలో రవాణా, వాణిజ్య మరియు వ్యాపార కార్యకలాపాలు చాలా మెరుగుపడతాయి. కృష్ణానది మీద ఈ వంతెన నిర్మాణం జరుగుతుంది.
కృష్ణా నదిపై ఇప్పటికే ఈ మార్గంలో ఒక వంతెన ఉంది. రెండు రాష్ట్రాల మధ్య 167 జాతీయ రహదారిపై ఉన్న వంతెన మీద గానే ఇప్పటివరకు రాకపోకలు జరుగుతున్నాయి. నిజాం కాలంలో ఈ వంతెనను నిర్మించడం జరిగింది. ఎన్నో దశాబ్దాలుగా ఉన్న ఈ పాత వంతెన మీదుగానే ఇప్పటివరకు ఆ ప్రాంతాలలో ప్రజా రవాణా, వ్యాపార మరియు వాణిజ్య పనులు జరుగుతున్నాయి. ఈ పాత వంతెన ప్రస్తుతం శిథిలావస్థకు చేరుకోవడంతో ఐదేళ్ల క్రితం దీనికి మరమ్మతులు కూడా నిర్వహించారు. కర్ణాటక రాష్ట్ర ప్రభుత్వం ఈ పాత వంతెనకు మరమ్మత్తులు నిర్వహించింది.
నేషనల్ హైవే అథారిటీ ఆఫ్ ఇండియా కృష్ణా నది మీద ఈ పాత వంతెనకు ప్రత్యామ్నాయంగా మరొక కొత్త వంతెనను నిర్మించాలని నిర్ణయం తీసుకుంది. కర్ణాటక రాష్ట్ర ప్రభుత్వ పర్యవేక్షణలో ఈ కొత్త వంతెన నిర్మాణం జరుగుతుంది. 760 మీటర్ల పొడవుతో ఈ వంతెనను రూ.150 కోట్ల వ్యయంతో నిర్మిస్తున్నారు. మూడేళ్ల కిందటే ఈ కొత్త వంతెన పనులను మొదలుపెట్టారు. అయితే నేషనల్ హైవే అధారిటీ ఆఫ్ ఇండియా అధికారులు మరో ఏడాదిలో ఈ కొత్త వంతెన నిర్మాణ పనులను పూర్తి చేసి అందుబాటులోకి తేవాలని లక్ష్యంగా పెట్టుకున్నారు.
