JOBS: నేషనల్ అకాడమీ ఆఫ్ కన్స్ట్రక్షన్ హుజురాబాద్ ఆర్డిఓ పరిధిలోని అన్ని మండలాలలో ఉన్న నిరుద్యోగ యువతీ మరియు యువకులకు ఒక మంచి శుభవార్త తెలిపింది. మండలంలో ఉన్న 10 ప్లస్ 2 లేదా డిగ్రీ పూర్తి చేసి 60 సంవత్సరాల లోపు ఉన్న నిరుద్యోగులకు ల్యాండ్ సర్వేయర్ గా ఉద్యోగం పొందేందుకు న్యాక్ ప్రత్యేక శిక్షణ అందిస్తుంది.
హుజురాబాద్ పాత డిగ్రీ కళాశాలలో ఈ శిక్షణ క్యాంపు 90 రోజుల పాటు నిర్వహిస్తున్నారు. ఈ క్యాంపులో శిక్షణ పొందిన వారికి సర్టిఫికెట్ కూడా అందిస్తున్నారు. ఈ సర్టిఫికెట్ పొంది హైదరాబాద్ నగరంలో 42 రోజులు శిక్షణ తీసుకున్న వారికి రాష్ట్ర ప్రభుత్వం ల్యాండ్ సర్వేయర్ లైసెన్స్ కూడా అందిస్తుంది.
ప్రభుత్వం అందించే ఈ లైసెన్సు ప్రభుత్వ మరియు ప్రైవేటు ఉద్యోగాలకు చాలా ఉపయోగపడుతుంది. అయితే ఈ క్యాంపులో శిక్షణ పొందడానికి అభ్యర్థులు ప్రభుత్వానికి రూ.14,700 చెల్లించాలి. ఈ సందర్భంగా న్యాక్ హుజురాబాద్, సైదాపూర్, జమ్మికుంట, శంకరపట్నం మరియు ఇల్లందకుంట మండలాలకు చెందిన నిరుద్యోగ యువతీ యువకులకు ఈ మంచి అవకాశాన్ని సద్వినియోగం చేసుకోవాలని కోరింది. మరిన్ని వివరాల కోసం మీరు హుజురాబాద్ పాత డిగ్రీ కళాశాల నేషనల్ అకాడమీ ఆఫ్ కన్స్ట్రక్షన్ ట్రైనింగ్ సెంటర్ క్యాంపులో సంప్రదించవచ్చు.7396988875,7989250779 ఫోన్ నెంబర్లకు కాల్ చేసి కూడా పూర్తి వివరాలు తెలుసుకోవచ్చు.
