by Rewards for Managers: ఆర్మూర్ టౌన్, సెప్టెంబర్ 18 (ప్రజా శంఖారావం): నిజామాబాద్ జిల్లా ఆర్మూర్ పట్టణ కేంద్రంలోని ఉత్తమ గణేష్ మండపాల నిర్వాహకులకు ఆర్మూర్ పట్టణ మున్సిపల్ చైర్ పర్సన్ వన్నెల్ దేవి లావణ్య అయ్యప్ప శ్రీనివాస్ మంగళవారం గణపతి నిమజ్జనం ఉత్సవాల్లో భాగంగా బహుమతులను అందజేశారు. ఈ సందర్భంగా చైర్పర్సన్ మాట్లాడుతూ భక్తిశ్రద్ధలతో నవరాత్రుల్లో గణపతి పూజలు చేసి, మండపాలను అందంగా అలంకరించిన మండపాల నిర్వాహకులకు ఈ సంవత్సరం నుండి మున్సిపల్ ఆధ్వర్యంలో మెమొంటో లను అందజేసినట్లు ఆమె తెలిపారు.
ప్రశాంత వాతావరణంలో గణేష్ ఉత్సవాల ఊరేగింపు నిర్వహించి ఎక్కడ ఎలాంటి అవాంఛనీయ సంఘటనలు జరగకుండా నిమజ్జనాలను ముగించుకోవాలని ఆమె సూచించారు. ఈ సందర్భంగా కాశీ హనుమాన్ మున్నూరు కాపుపంత గణేష్ మండపానికి, తన కేంద్రంలోని మరికొన్ని మండపాల నిర్వహకులకు ఆమె మెమొంటో లను అందజేశారు. ఈ కార్యక్రమంలో ఆర్మూర్ మున్సిపల్ కౌన్సిలర్లు ఆకుల రాము, వనం శేఖర్, జనార్ధన్ రాజు, భాగ్యలక్ష్మి శివ, ఆర్మూర్ పట్టణ కాంగ్రెస్ పార్టీ అధ్యక్షులు సాయిబాబా గౌడ్, నాయకులు అయ్యప్ప శ్రీనివాస్, వెంకటేష్, మున్సిపల్ సిబ్బంది తదితరులు పాల్గొన్నారు.
