Vastu Tips: ఇంట్లో కొన్ని రకాల మొక్కలను పెంచితే అవి ఆ ఇంటికి అదృష్టాన్ని, విజయాన్ని అలాగే ఘన ప్రాప్తిని కలిగిస్తాయి అని చాలామంది నమ్మకం. ఆ మొక్కలు మన జీవితంలో అన్ని శుభ ఫలితాలను తీసుకొని వస్తాయి. ఇంట్లో లేదా ఆఫీసులో ఇటువంటి మొక్కలను పెంచడం వలన ఆ మొక్కల చుట్టూ సానుకూల శక్తి ఏర్పడి శుభ పరిణామాలు జరుగుతాయి. హిందూమత శాస్త్రంలో తులసి మొక్క ఎంతో పవిత్రమైనదిగా పరిగణించబడుతుంది. చాలామంది తమ ఇంట్లో ప్రతిరోజు ఈ మొక్కను పూజిస్తారు. తులసి మొక్క ఉన్నచోట గాలి శుభ్రంగా ఉంటుంది. ఆరోగ్యం మెరుగుపడటంతో పాటు శాంతి కూడా కలుగుతుంది.
ఈ మొక్కను స్వచ్ఛతకు మరియు రక్షణకు చిహ్నంగా పరిగణిస్తారు. ఆరె మొక్క విష్ణువుతో సంబంధం కలిగి ఉందని చెప్తారు. ఈ మొక్క పెంచడం వలన మానసిక స్పష్టత మెరుగుపడుతుంది. అదృష్టం కూడా వస్తుందని చాలామంది నమ్ముతారు. ఇది ఇంట్లో ఉన్న ప్రతికూల శక్తులను తొలగించి మంచి ఫలితాలను ఇస్తుంది. అలాగే మర్రి చెట్టు శివుడిని సూచిస్తుంది అని చాలామంది చెబుతారు. ఇది దీర్ఘకాలం పాటు ఉండే చెట్టు కాబట్టి దీనిని శాశ్వతానికి చిహ్నంగా చెప్తారు. ఈ చెట్టు కారణంగా ఇంట్లో ఐక్యత పెరుగుతుంది. వేప చెట్టుతో ఎన్నో ఆరోగ్య ప్రయోజనాలు ఉన్నాయి. గ్రామ ఔషధశాల అని వేప చెట్టును పిలుస్తారు.
ఇంట్లో ఈ చెట్టును పెంచితే అన్ని శుభపరిణామాలు జరుగుతాయి అని చాలామంది నమ్ముతారు. ఇంట్లో మనీ ప్లాంట్ మొక్క ఆ ఇంట్లో ధనాన్ని మరియు శ్రేయస్సును కలిగిస్తుంది అని నమ్ముతారు. మనీ ప్లాంట్ ఉన్న ఇంట్లో డబ్బు సమృద్ధిగా ఉంటుంది అని చాలామంది నమ్మకం. అంజూర చెట్టుకు ఆయుర్వేదంలో చాలా ప్రాధాన్యత ఉంది. దీని ఆకులు మరియు బెరడు రెండు కూడా ఎన్నో ఆరోగ్య ప్రయోజనాలకు బాగా ఉపయోగపడతాయి. దీనిని ఇంట్లో పెంచుకుంటే ధైర్యం పెరుగుతుంది అని చెప్తారు. అశోక చెట్టు ఆనందానికి మరియు ప్రేమకు చిహ్నంగా పరిగణిస్తారు. ఈ చెట్టు నుంచి వచ్చే పువ్వులు మనసును చాలా ఉల్లాసంగా ఉండేలా చేస్తాయి. ఈ చెట్టు ఉన్నచోట ఒత్తిడి కూడా తగ్గుతుంది అని నమ్ముతారు.
