Vaishakh Purnima 2025: హిందూమత సాంప్రదాయం ప్రకారం ప్రతి తిధికి కూడా ఒక ప్రాధాన్యం ఉంటుంది. ఈ ఏడాది మే 12, 2025న వైశాఖ పౌర్ణమి తిధి ఉంది. అయితే ఈ ప్రత్యేక శుభదినం రోజున మీరు దీపానికి సంబంధించిన ఒక చిన్న పరిహారం చేసినట్లయితే మీరు కోరుకున్న ఫలితాన్ని అందుకోవచ్చు. ఈ పవిత్రమైన రోజున ఇంట్లో మీరు నాలుగు చోట్ల దీపాలను వెలిగించాలి. హిందూమతంలో పౌర్ణమి తిధిని చాలా ప్రత్యేకమైనదిగా పరిగణిస్తారు. ఇదే రోజున చంద్రుడు పూర్ణ భింబంగా దర్శనం ఇస్తాడు అన్న సంగతి తెలిసిందే.
ఈ రోజున చంద్రుడికి అర్జ్యం సమర్పించడం వలన ఒత్తిడి తగ్గుతుంది అని చాలామంది నమ్ముతారు. ఈరోజు లక్ష్మీదేవి పూజకు మరియు విష్ణువుకు చాలా శుభప్రదంగా పరిగణించబడుతుంది అని చెప్తారు. ఈ రోజున లక్ష్మీదేవిని విష్ణువును పూజించడం వలన ఆ ఇంట్లో సంపద పెరుగుతుంది అని నమ్ముతారు. ఈరోజున బుద్ధపూర్ణిమ గా కూడా అందరూ జరుపుకుంటారు. మే 12, 2025న ఈ ఏడాది వైశాకి పూర్ణిమ వచ్చింది. అయితే ఈ శుభదినం రోజున ఇంట్లో నాలుగు ప్రదేశాలలో దీపాలను వెలిగిస్తే చాలా ప్రయోజనాలు కలుగుతాయి అని నిపుణులు చెప్తున్నారు. ఆర్థిక సమస్యల నుంచి విముక్తి పొందవచ్చు అని కూడా నిపుణులు చెప్తున్నారు.
మే 11 సాయంత్రం 6:55 గంటలకు వైశాఖ పౌర్ణమి తిధి ప్రారంభం అవుతుంది. ఇది మే 12 రాత్రి 7:22 గంటలకు ముగుస్తుంది. ఈ పరిస్థితిలో మే 12న వైశాఖ పౌర్ణిమను అందరు జరుపుకుంటారు. ఈ రోజున విష్ణువును మరియు లక్ష్మీదేవిని పూజించే సాంప్రదాయం ఉంది. ఈ ప్రత్యేకమైన రోజున ఇంటి ప్రధాన ద్వారం దగ్గర దీపం వెలిగించినట్లయితే అన్ని రకాల ప్రతికూల శక్తి ఇంట్లో నుంచి తొలగిపోతుంది అని నమ్ముతారు. ఈరోజున తులసి మొక్కను పూజిస్తారు. తులసి మొక్క దగ్గర నెయ్యి దీపం వెలిగించడం వలన లక్ష్మీదేవి ప్రసన్నమవుతుందని ఆ వ్యక్తి ఆర్థిక సమస్యల నుంచి బయటపడతాడు అని నమ్ముతారు. అలాగే ఈ రోజున ఇంటి పూజ గదిలో దీపం వెలిగించడం వలన వాళ్ళ ఇంట్లో ఆనందం, శ్రేయస్సు కలుగుతుందని ఆర్థిక లాభం ఉంటుందని అందరి నమ్మకం. ఈ ప్రత్యేకమైన రోజున వంటగదిలో దీపం వెలిగించడం వలన అన్నపూర్ణాదేవి ప్రసన్నమయ్యే ఇంట్లో ఎప్పుడు ఆహార కొరత ఉండదని చాలామంది నమ్ముతారు.
