Pregnant delivery: మార్గమధ్యంలోనే గర్భిణీ ప్రసవం

Pregnant delivery: కామారెడ్డి జిల్లా/బిచ్కుంద, ఆగస్టు 24 (ప్రజా శంఖారావం): కామారెడ్డి జిల్లా బిచ్కుంద మండలం తక్కడపల్లి గ్రామానికి చెందిన గర్భిణి అశ్విని పురిటి నొప్పులు రావడంతో బాన్సువాడ ప్రభుత్వాసుపత్రికి అంబులెన్స్ లో కుటుంబ సభ్యులు తీసుకెళ్తున్నారు. ఆ సమయంలో పురిటి నొప్పులు ఎక్కువవడంతో అంబులెన్స్ లోనే అశ్విని ప్రసవించింది. తల్లి, బిడ్డ ఇద్దరు క్షేమంగా ఉన్నారని 108 సిబ్బంది తెలిపారు. అనంతరం వారిద్దరిని ప్రభుత్వ ఆసుపత్రికి తరలించారు. ఈ సమయంలో ఎమర్జెన్సీ మెడికల్ టెక్నీషియన్ అనిల్, అంబులెన్స్ డ్రైవర్ కాశీనాథ్, అంగన్వాడీ ఉపాధ్యాయురాలు, కుటుంబ సభ్యులు ఉన్నారు.