Social boycot: కుల సంఘానికి సామాజిక బహిష్కరణ…?

Social boycot: మెట్ పల్లి, ఆగస్టు 08 (ప్రజా శంఖారావం): మెట్ పల్లి మండలం కొండ్రికర్ల గ్రామంలో గుడేటి కాపు కుల సంఘానికి సామాజిక బహిష్కరణ విధించినట్లు సమాచారం. గ్రామంలో ఏడాదిన్నర కిందట కుల సంఘాల మధ్య ఒక స్థల వివాదంలో ఇరు వర్గాల మధ్య సఖ్యత కుదరక ఆ సామాజిక వర్గానికి సహాయ నిరాకరణ విధించినట్లు తెలుస్తోంది.

మధ్యలో కొన్నాళ్ళు గొడవ సద్దుమణిగిన, ఇటీవల మళ్లీ స్థలానికి సంబంధించి ఓ విషయమై వివాదం తలెత్తినట్లు గ్రామస్తులు తెలిపారు. ఈ విషయంలో తాము చెప్పినట్లు చేయాలని గుడేటి కాపు కులానికి చెందిన ఒకరిపై పలు కుల సంఘాలు ఒత్తిడి చేయగా అందుకు నిరాకరించడంతో గుడేటి కాపు కుల సంఘ సభ్యులకు రెండ్రోజుల నుంచి పలువురు సహాయ నిరాకరణ చేస్తున్నట్లు వినికిడి.